"واثق الـخـطوه."

معيني وافهمي قلب(ن)يصون

يهمـل الدنيا ولاهـو مهملك

انتي عندي غاليه مهما يكـون

لايغرك كذب حاقد يوصلك

والله اني ما عرفت اقسى واخون

والله انك للعواذل مسهـلك

البراءه فيك والقلب الحنون


لاجل هذا اي كذبه تشغلك

لاتخلين العواذل يفرحون

قصدهم واضح ولا هو يجهلك


واعرفي ماكل من حبك يمــون


حتى لو هو من قرايبك وهلك


يعني الهقوات من كذب الضنـون


والتسرع جايز انـه يقتلك


والمحبه حلمها شخص يصـون


والمطيري استحاله يخذلك


قولي للي من ورايا يكذبون


واثق الخطـوه مشى مشية مــــلك


وذكريهم مهما كانوا يخذلــون


مثلهم واجد على دربي هلك


وان تناسوا ذكريهم يذكرون

الزمن يوم عليك ويوم لك